فطرانہ 1446 ھجری/فقہ جعفری

 فطرانہ 1446 ھجری:

چاول۔۔۔۔۔۔۔۔۔ 900 ۔

آٹا چکی۔۔۔۔۔.  400۔

آٹا نارمل۔۔۔۔۔  300 ۔

کھجور ۔۔۔۔۔.  1050۔

کشمش۔۔۔۔۔۔۔. 3600 ۔

آٹا ، چاول مکس۔. 600 ۔

مد طعام ایک روزہ۔. 150۔

مد طعام مہینہ۔۔۔ 4500  ،

کفارہ ایک روزہ ،۔۔  9000 ،  ساٹھ مسکینوں کو کھانا کھلانا ہوتا ہے۔

ہمارے بارے میں مزید جانئے

 نوٹ:: :: فطر  انہ ادا کرتے وقت دینے والے کی نیّت یہ ہونی چاہیے کہ یہ فطرانہ ہے لیکن لینے والے کو یہ بتانالازمی نہیں ہے کہ یہ صدقہ فطر کی رقم ہے بلکہ مستحق کو  عیدی،  تحفہ، ہدیہ یا گفٹ کے نام سے بھی اگر فطرانے کی رقم دی جائے تو بھی صدقہ فطر ادا ہوجائے گا۔فطرانے کے اوّلین مستحق ہمارے قریبی عزیز اور رشتے دار ہیں،اگر قریبی رشتے داروں میں کوئی بیوہ ، یتیم یا نادار شخص ہے تو سب سے پہلے اُسی کو فطرانہ دیا جانا چاہیے، اُس کے بعد ہمسائے کا حق ہے ۔جولوگ مختلف اداروں کے ڈبوں میں فطرانہ ڈال کر جان چھڑوانے کی کوشش کرتے ہیں، اُنہیں جان لینا چاہیے کہ اللہ اُن کے پیسے نہیں گنتا اور اُن کے نوٹوں سے بے نیاز ہے۔فطرانہ اگر مستحق تک نہ پہنچے وہ ادا ہی نہیں ہوتا، جو لوگ اپنے عزیزو اقارب اور ہمسائیوں کے منہ کا نوالہ دوسرے علاقوں میں بھیجتے ہیں ، اُنہیں معلوم ہونا چاہیے کہ وہ اللہ کے ہاں گنہگار ہیں۔

بے شک انہوں نے فطرانہ ادا کر دیا ہے لیکن اللہ کے ہاں وہ جوابدہ ہیں کہ اُنہوں نے ایسا کیوں کیا!؟ اور قیامت کے دِن اگر اُن کے عزیزواقارب یاہمسائے میں سے کسی نے آواز بلند کی کہ اس شخص نے قرب اور نزدیکی کے باوجود مجھے نظر انداز کیا ہے تو پھر اُس کا سامنا کرنا آسان نہیں ہوگا۔لہذا فطرانہ دینے کے بعد اگر معلوم ہو جائے کہ مستحق تک نہیں پہنچا تو اس کا واپس لے کر مستحق تک پہنچانا ضروری ہے اور اگر واپس نہیں لے سکتے تو پھر دوبارہ ادا کرنا ضروری ہے۔بعض لوگ صرف اُسے فطرانہ دینا ضروری سمجھتے ہیں، جس کے کپڑے پھٹے ہوئے اور پرانے ہوں لیکن فطرانے کا مستحق ہر وہ خوددار اور غیرت مند شخص بھی ہے جس کے پاس سال بھر کا خرچہ نہیں ہوتا، اور جو شرم کے مارے کسی کے آگے ہاتھ نہیں پھیلاتا۔جب ہمیں یہ معلوم ہوجائے کہ ہمارا یہ رشتے دار یا ہمسایہ ضرورت مند ہے تو پھر اس کی مدد کرتے ہوئے اسے یہ بتانا ضروری نہیں ہے کہ ہم آپ کو صدقہ یا فطرانہ دے رہے ہیں بلکہ ہم اسے اخلاق و مروت کے ساتھ بغیر صدقے اور فطرانے کا عنوان بتائے اس کی مدد کر سکتے ہیں، اللہ اکبر! دینِ اسلام کی تعلیمات تو یہ ہیں کہ اگر کسی کی عزت نفس کے مجروح ہونے کا خدشہ ہواور اس کا دل ٹوٹنے کا اندیشہ ہو تو لازمی ہے کہ ہم ضرورت مند کو صدقے یا فطرانے کا شک تک نہ ہونے دیں۔

اللہ تعالیٰ ہمیں اپنے دین کو سمجھنے اور اُس پر عمل کرنے کی توفیق عطا فرمائے۔

ہمارے بارے میں مزید جانئے