ابتدائی تحقیق، آسان الفاظ میں

کیا کبھی آپ نے سوچا کہ تحقیق ہے کیا؟

ڈاکٹرنذر حافی :    

 آسان الفاظ میں تحقیق ایک منظم، منطقی اور معروضی عمل کا نام ہے۔ یعنی منظم (Systematic): تحقیق ایک ترتیب اور اصولوں کے تحت کی جاتی ہے، بے ربط نہیں ہوتی۔ منطقی (Logical): تحقیق میں دلائل اور استدلال استعمال کیا جاتا ہے، نہ کہ محض قیاس۔ معروضی (Objective): ذاتی رائے یا تعصب سے ہٹ کر حقائق پر مبنی ہوتی ہے۔ اس کا مطلب یہ ہے کہ تحقیق صرف اعداد و شمار یا معلومات کی جمع آوری نہیں، بلکہ "کیا"، "کیوں"، اور "کیسے" جیسے بنیادی سوالات کا تعاقب کرتی ہے۔

ابتدائی مرحلے میں تحقیق کے بارے میں جاننے والی دس باتیں  

 ۱۔  ریسرچ سوال سے شروع ہوتی ہے، جواب سے نہیں ، تحقیق کا آغاز سوال سے ہوتا ہے، نہ کہ پہلے سے طے شدہ جوابات سے۔ مثال کے طور پر:

    پاکستان میں سردی کیوں بڑھ رہی ہے؟  – یہ سوال تحقیق کی بنیاد بنے گا، نہ کہ  پاکستان میں سردی بڑھ گئی ہے ۔

 ۲۔   ہر چیز تحقیق کا موضوع بن سکتی ہے ، روزمرہ کی معمولی چیزیں بھی تحقیق کے موضوع بن سکتی ہیں۔ مثال:

    چائے زیادہ پینے سے نیند پر کیا اثر پڑتا ہے؟ ۔

۳۔   اندازہ تحقیق نہیں ہوتا ،   تحقیق میں صرف قیاس آرائیاں یا اندازے نہیں کیے جا سکتے۔ تحقیق تب ہوتی ہے جب آپ کسی چیز کو کسی پیمانے سے ماپتے ہیں۔ مثال:مجھے لگتا ہے کہ گاؤں کے لوگ خوش ہوتے ہیں  – یہ صرف اندازہ ہے، تحقیق تب ہوگی جب خوشی کو کسی پیمانے پر ماپا جائے۔

۴۔   گوگل اور کتاب  پہلا قدم ہے، آخری نہیں ۔ گوگل پر یا کتاب میں معلومات تلاش کرنا تحقیق کا پہلا قدم ہے، لیکن اصل تحقیق میں آپ کو مشاہدہ، انٹرویوز، اور لیبارٹری تجزیہ کرنا پڑتا ہے۔ مثال:    شہد مکھی شہد بناتی ہے ، لیکن اصل تحقیق مکھیوں کو مشاہدہ کرنا، انٹرویوز لینا اور تجزیہ کرنا شامل ہوگا۔

۵۔   تحقیق صبر مانگتی ہے ۔   تحقیق میں صبر کی ضرورت ہوتی ہے۔ مثال کے طور پر:دریا کے پانی کے معیار پر تحقیق میں کئی دن لگ سکتے ہیں؛ جلدبازی سے نتیجہ غلط ہو سکتا ہے۔ 

۶۔  تحقیقی سوال کا دائرہ  چھوٹا بنائیں ۔  جب تحقیق کا دائرہ  بہت وسیع ہوتا ہے، تو  اس کے مقابلے میں ہماراعلم  زیادہ محدود ہوتا ہے۔ بہتر ہے کہ سوال کر کے دائرے کو مخصوص اور چھوٹا بنایا جائے۔ مثال: دسویں جماعت کے طلبہ میں ریاضی کا خوف کیوں ہوتا ہے؟ ۔

۷۔   اچھی تحقیق غیر جانب دار ہوتی ہے ۔غیر جانب دار رہ کر تحقیق کرنا ضروری ہے۔ اگر آپ پہلے سے کسی نتیجے تک پہنچنے کی کوشش کر رہے ہیں، تو آپ صرف اس کی حمایت میں معلومات جمع کریں گے۔ مثال:    پرائیویٹ سکول بہتر ہوتے ہیں  – اس میں آپ کی ذاتی رائے مداخلت کر رہی ہے۔

۸۔   منبع اور حوالہ دینا لکھنا تحقیق کی لازمی شرط ہے ۔ اگر آپ نے کسی کتاب یا مضمون سے مواد لیا ہے، تو اس کا حوالہ دینا ضروری ہے۔ مثال کے طور پر:  اقبال، ۱۹۳۰ ۔

۹۔   تحقیق صرف لکھنا نہیں، سیکھنا بھی ہے۔  تحقیق کا مقصد صرف لکھنا نہیں ہوتا، بلکہ اس میں سیکھنا بھی شامل ہوتا ہے۔ مثال:    پینے کے پانی پر تحقیق کرنے سے آپ یہ سیکھیں گے کہ فلٹرز کیسے کام کرتے ہیں، اور آپ خود بھی بہتر پانی پینا شروع کر دیں گے۔ 

 ۱۰۔   تحقیق کبھی ختم نہیں ہوتی ۔ تحقیق ہمیشہ ایک نئے سوال کی طرف بڑھتی ہے۔ مثال: اگر طلبہ موبائل پر وقت ضائع کرتے ہیں، تو اگلا سوال ہو سکتا ہے: کون سی ایپس سب سے زیادہ وقت لیتی ہیں؟ 

 ۲: تحقیق کے منابع یا ذرائع 

 ۱   بنیادی منابع (Primary Sources) 

   یہ وہ مواد ہوتا ہے جو براہِ راست معلومات فراہم کرتا ہے۔ مثالیں:

     انٹرویو

     مشاہدہ

     تجربہ

     سروے/کوئز

 ۲۔   ثانوی منابع (Secondary Sources) 

   یہ وہ مواد ہے جو پہلے سے جمع کردہ یا کسی اصل ماخذ پر تجزیہ یا تبصرہ ہو۔ مثالیں:

     کتابیں

     تحقیقی مضامین

     ویب سائٹس

     اخبارات/رسائل

۳۔   ثالثی منابع (Tertiary Sources) 

   یہ مواد بنیادی اور ثانوی معلومات کو مرتب کر کے پیش کرتا ہے۔ مثالیں:

     انسائیکلوپیڈیا

     لغات

     خلاصہ جات---

  ۳: تحقیق کے مراحل اور اقسام 

 ۱   تحقیق کے مراحل 

   تحقیق کے مراحل میں یہ شامل ہیں:

     سوال

     ڈیٹا جمع کرنا

     تجزیہ

     نتیجہ

     مثال:

      سوال:  کیا صبح کا ناشتہ کارکردگی بہتر بناتا ہے؟

      ڈیٹا:  ناشتہ کرنے یا نہ کرنے والے طلبہ کا ریکارڈ

      تجزیہ:  نتائج کا موازنہ

      نتیجہ:  ہاں/نہیں

    تحقیق کی اقسام 

   تحقیق دو بڑی اقسام میں تقسیم کی جا سکتی ہے:

      مقداری تحقیق (Quantitative Research):  یہ تحقیق اعداد و شمار اور فیصدوں پر مبنی ہوتی ہے۔

     مثال:  کلاس کے ۶۰% طلبہ روزانہ ۲ گھنٹے موبائل استعمال کرتے ہیں 

      معیاری تحقیق (Qualitative Research):  یہ تحقیق خیالات، تجربات اور تاثرات پر مبنی ہوتی ہے۔

     مثال:  طلبہ موبائل استعمال کے بعد کیسا محسوس کرتے ہیں؟ 

 ۴: اچھے تحقیقی سوالات اور عملی مشق 

 ۱  ۔ اچھے تحقیقی سوال کی خصوصیات 

   ایک اچھا تحقیقی سوال مخصوص، واضح، قابلِ تحقیق اور غیر جانب دار ہوتا ہے۔

   مثال:

    کمزور سوال:  کیا سوشل میڈیا اچھا ہے؟

    اچھا سوال:  کیا سوشل میڈیا کے روزانہ ۳+ گھنٹے استعمال سے طلبہ کی نیند متاثر ہوتی ہے؟

 ۲۔   ابتدائی معلومات کے ذرائع 

   ابتدائی معلومات کے ذرائع میں کتابیں، انٹرنیٹ، اخبارات، انٹرویوز اور مشاہدہ شامل ہیں۔

   مثال:  طلبہ کے مطالعہ کے رجحان پر تحقیق کرنے کے لیے لائبریری ریکارڈ اور انٹرویوز استعمال کیے جا سکتے ہیں۔ 

۳۔   مشق: خود سوال بنائیں 

   طلبہ کو تین عام عنوانات دیے جائیں: خوراک، تعلیم، نیند

   اور انہیں ان موضوعات پر سوال بنانے کو کہا جائے:

      کیا امتحان کے دنوں میں چاکلیٹ کھانے سے توجہ بہتر ہوتی ہے؟ 

      کیا آن لائن کلاسز میں طلبہ کی دلچسپی کم ہوتی ہے؟ 

 ۵:  ایک تحقیقی مقالہ کیسے لکھوں؟

یہ سوال آپ کو مجبور کرے گا کہ آپ اپنا امتحان لیں۔اگر آپ  مندرجہ زیل تین باتوں پر قادر ہیں تو پھر آپ  ایسا سکتے ہیں:

۱۔ ادبیات پر عبور

۲۔ موضوع کو چھوٹا کرنا

۳۔منابع کا موجود ہونا

۴۔اپنے اٹھائے گئے سوالات کے جوابات ڈھونڈ لینا۔موضوع کے بارے میں  چار طرح کے سوالات ہو سکتے ہیں۔

•   وضاحتی سوالات: اس طرح کے سوالات میں کون، کیا، کن، کہاں اور کیوں  جیسے الفاظ استعمال ہوتے ہیں۔جیسے فرشتہ کیا ہے؟

•    متعلقہ سوالات: ان سوالات میں, دو یا اس سے زیادہ متغیر کے درمیان تعلقات کی جانچ پڑتال کی جاتی ہے.جیسے تولید اور مہنگائی کا آپس میں کتنا تعلق ہے؟

•    تقابلی سوالات: ان سوالات سے  متغیرات کی سطح کے درمیان فرق کی جانچ پڑتال کی جاتی ہے۔مثال: معاشرتی ارتقا میں سلفی اور جعفری مکتب کی سطح کتنی ہے؟

•    وجہ اور تاثیر  کی جانچ کے  سوالات: کسی مسئلے کی وجہ اور پر اثر انداز ہونے والے عوامل کے بارےمیں سوال اٹھائے جاتے ہیں۔  

جیسے: کیا غلو میں اضافے کی وجہ  ذاکرین کی مالی اعانت ہے؟ متن لکھنے سے پہلےعنوان منتخب کرنے کے بعد متن لکھنے سے پہلے محاورے، کہاوت اور ضرب المثل سے آشنائی ضروری ہے۔

 اگر آپ نے مزید کوئی سوال پوچھناہے؟ یا اپنی کوئی تحقیق شائع کرانی ہے تو  کلک کیجئے

Categories: ذہانت, مطالعات و تحقیقات