نجف اشرف کے ممتازعلما کا جامعۃ الرضا اسلام آباد کا دورہ
اسلام آباد (پریس ریلیز) حوزہ علمیہ نجف اشرف کے ممتاز علما پر مشتمل ایک اعلیٰ سطحی وفد نے جامعۃ الرضا اسلام آباد کا دورہ کیا۔ اس دورے کا مقصد جامعۃ الرضا کے اساتذہ وطلبا کے ساتھ ملاقات اور تعلیمی میدان میں تعاون کے امکانات کا جائزہ لینا تھا۔وفد کی قیادت علامہ شیخ امجد ریاض نے کی، جو حوزہ علمیہ نجف اشرف کے جید اساتذہ میں شمار ہوتے ہیں۔ آپ کو مرجع دینی اعلیٰ، سماحة آیت اللہ العظمیٰ سید علی حسینی سیستانی کی جانب سے مؤسسہ العین کے کام کی عالمی سطح پر نگرانی کی ذمہ داری سونپی گئی ہے۔ اس کے علاوہ آپ نجف اشرف میں پانچ علمی مدارس کی انتظامی ذمہ داریاں بھی نبھا رہے ہیں۔وفد میں استاذ احمد السودانی اور ،ڈاکٹر احمد الخاجہ بھی شامل تھے۔ جامعۃ الرضا کی انتظامیہ نے معزز مہمانوں کا پرتپاک استقبال کیا اور انہیں ادارے کے تعلیمی نظام، نصابِ تعلیم ، تحقیقی امکانات اور طلباء کی دینی و اخلاقی تربیت سے متعلق بریفنگ دی گئی۔ اس موقع پر ایک خصوصی نشست کا اہتمام بھی کیا گیا جس میں علمی تبادلہ خیال،تعلیمی منصوبوں پر گفتگو اور باہمی تعاون کے راستوں پر تفصیل سے بات چیت ہوئی۔
وفد نے جامعۃ الرضا کے تعلیمی ماحول، نظم و ضبط، اور فکری وژن کو سراہا اور مستقبل میں قریبی تعلقات کے فروغ کی امید ظاہر کی۔
.jpg)
0 comments:
ایک تبصرہ شائع کریں
اپنا پیغام لکھیں