جامعۃ الرضا میں خود احتسابی کی ماہانہ نشست
اسلام آباد (رپورٹ): جامعۃ الرضا اسلام آباد میں طلبا کی اپنے محترم مدیرِ مدرسہ مولانا حسنین عباس گردیزی صاحب کے ساتھ ماہانہ تربیتی نشست منعقد ہوئی۔ نشست کا آغاز تلاوتِ قرآنِ مجید سے کیا گیا، جس کے بعد گزشتہ ماہ کے دوران طلبہ کی تعلیمی و تربیتی کارکردگی کا تفصیلی جائزہ پیش کیا گیا۔ اس موقع پر طلبا نے اپنی کارکردگی رپورٹ سنی اور فائنل ٹرم کے امتحانات کے حوالے سے انہیں ضروری تذکرات دئیے گئے۔
نشست سے خطاب کرتے ہوئے مولانا حسنین عباس گردیزی صاحب نے طلبا کو نصیحت کرتے ہوئے کہا کہ انسان معدن کی مانند قیمتی ہوتا ہے۔ جیسے سونے کو کانٹ چھانٹ کر اور آگ میں پگھلا کر کندن بنایا جاتا ہے، اسی طرح انسان کو حقیقی اور خالص انسان بننے کے لیے تعلیم و تربیت کی مسلسل ضرورت ہوتی ہے۔انہوں نے مزید کہا کہ علمِ دین انسان کو اللہ کا خالص اور باصلاحیت انسان بنانے کا بہترین ذریعہ ہے، اور مدارس اسی مقصد کو پورا کرنے کا مرکز ہیں۔نشست آخر میں دعا کے ساتھ اختتام پذیر ہوئی۔ یاد رہے کہ مدیر مدرسہ کی موجودگی میں خود احتسابی کی یہ ماہانہ نشست ہر مہینے جامعۃ الرضا میں باقاعدگی سے منعقد کی جاتی ہے۔ اس نشست میں ماہانہ بنیادوں پر تعلیمی و تربیتی نکات کا جائزہ لیا جاتا ہے۔
آپ کی پسند
.jpg)
0 comments:
ایک تبصرہ شائع کریں
اپنا پیغام لکھیں