عزمِ وفا اور نصرت کا اعلان

بسم اللّٰہ الرحمٰن الرحیم

عزمِ وفا اور نصرت کا اعلان

امتِ مسلمہ آج جس گہرے صدمے اور اندوہناک المیے سے دوچار ہے، اس کی وجہ عالمِ اسلام کے عظیم رہبر، مجاہدِ صابر اور حامیِ مظلومانِ جہاں رہبر عظیم سید علی خامنہ ای کی شہادت ہے۔ آیت العظمیٰ شہید سید علی خامنہ‌ای کی درخشاں مجاہدانہ خدمات، ان کی بے مثال استقامت، بصیرتِ ایمانی اور جرأتِ قیادت تاریخِ مقاومت کا ایک درخشاں اور تابندہ باب ہیں۔ انہوں نے اپنی پوری حیات اسلام، امتِ مسلمہ اور مظلوم اقوام کی سربلندی کے لیے وقف کیے رکھی اور استکبار و طاغوت کے مقابل ڈٹ کر کھڑے رہنے کی ایک روشن مثال قائم کی۔ ہم ان کی عظیم شہادت پر اپنے دل کی اتھاہ گہرائیوں سے تعزیت و تسلیت پیش کرتے ہیں، ان کی بلندی درجات کی دعا کرتے ہیں اور اس عہد کی تجدید کرتے ہیں کہ ان کی روشن راہ کو کبھی ماند نہ ہونے دیں گے۔

مجلس خبرگان رہبری کی تشخیص اور اعلان کے بعد 

ہم جامعۃ الرضا اسلام آباد کے اساتذہ و طلبا! مجاہدِ کبیر، شہیدِ خامس اور نائبِ امامِ زمان علیہ السلام کے جانشین  حضرت آیت اللہ العظمی سید مجتبی  حسینی خامنہ ای کی خدمتِ اقدس میں نہایت اخلاص، عقیدت اور والہانہ وابستگی کے ساتھ اپنی غیر متزلزل وفاداری اور کامل حمایت کا اظہار کرتے ہیں۔ ہم پورے شعور، عزم اور استقامت کے ساتھ یہ عہد کرتے ہیں کہ آپ کی نصرت و اعانت کے مقدس مشن میں کسی لمحے بھی سستی، غفلت یا کوتاہی نہیں برتیں گے۔

ہم ہر حال میں ثابت قدمی، جرأت اور ایمانی بصیرت کے ساتھ آپ کے شانہ بشانہ کھڑے رہیں گے اور اپنی تمام تر توانائیاں اس مقصد کے لیے بروئے کار لاتے رہیں گے۔

یہ ہمارے ایمان کی گہرائیوں سے ابھرنے والی صدا، ہمارے ضمیر کی گواہی اور ہمارے دینی، اخلاقی اور انسانی فریضے کا تقاضا ہے۔ ہم اس ذمہ داری کو اپنے لیے باعثِ سعادت و افتخار سمجھتے ہوئے یہ عزمِ مصمم کرتے ہیں کہ اپنے کردار، عمل اور جدوجہد کو اسی راہ میں وقف رکھیں گے اور ظہورِ امام علیہ السّلام تک استعمار و طاغوت کے مقابلے کے ہر امتحان و آزمائش کے دوران حق و صداقت کے پرچم کو بلند رکھیں گے۔

 آپ کی پسند

Categories: جامعۃ الرضا اسلام آباد, جامعۃ الرضا اگست ۲۵/۲۶, شہید خامس،