جامعۃ الرضا میں شہید رہبر معظم کے چہلم کی مناسبت سے مجلس کا انعقاد
جامعۃ الرضا اسٹوڈنٹس سوسائٹی کے زیرِ اہتمام شہید رہبر معظم کے چہلم کی مناسبت سے ایک پروقار مجلسِ چہلم کا انعقاد کیا گیا۔مجلس سے خطاب کرتے ہوئے مولانا حسنین عباس گردیزی صاحب نے شہید رہبر معظم کی حیاتِ طیبہ کے مختلف پہلوؤں پر روشنی ڈالی۔ انہوں نے شہید کی سب سے نمایاں خصوصیت "توکل علی اللہ" کو قرار دیتے ہوئے کہا کہ ان کی پوری زندگی اسی صفت کی عملی تفسیر تھی۔ انہوں نے کہا کہ شہید رہبر معظم کی موت بھی ان کی زندگی کی مانند دینِ اسلام کے لیے مفید ثابت ہوئی اور ان کی شہادت نے امتِ مسلمہ کو ایک نیا حوصلہ اور ولولہ عطا کیا۔ انہوں نے اپنے خطاب میں کہا کہ جو شخص اللہ تعالیٰ پر کامل توکل کرتا ہے، اسے امریکہ و اسرائیل سمیت سارے شیاطین جن و انس مل کر شکست نہیں دے سکتے۔ انہوں نے اس عزم کا اظہار کیا کہ باطل قوتیں جو مرضی ہے کر لیں وہ اہلِ ایمان کو مغلوب نہیں کر سکتیں۔آخر میں شہید کے درجات کی بلندی اور امتِ مسلمہ کی کامیابی کے لیے خصوصی دعا کی گئی۔
.jpg)
0 comments:
ایک تبصرہ شائع کریں
اپنا پیغام لکھیں