مہدویت آنلائن تحقیقی سیشن ، جامعۃ الرضا اسلام آباد

:رپورٹ : سبطین حیدر متعلم جامعۃ الرضا اسلام آباد :

 شعبان المعظم کے مہینے کو شبِ برائت اور حضرت امام مہدی علیہ السلام کی مناسبت سے جہانِ اسلام میں ایک خاص شہرت اوراہمیت حاصل ہے ۔ اس شب ہر جگہ ذکر و اذکار، حمد و نعت اور جشن و سرود کی محفلیں سجائی جاتی ہیں۔ جامعۃ الرضا کے شعبہ تحقیق کی طرف سےبھی مہدویت شناسی کیلئے اس مہینے میں 8 فروری کو ایک آن لائن علمی و فکری  نشست کا اہتمام کیا گیا ہے۔ جامعۃ الرضا کے شعبہ تحقیق نے  سیشن کیلئے  بطورِ موضوع "امام مہدی ؑکے بارے میں جاوید احمد غامدی صاحب کا نظریہ اور اس کی علمی تحلیل" کو انتخاب کیا ہے۔  یاد رہے کہ جاوید احمد غامدی صاحب عصرِ حاضر کے  معروف نامی گرامی سکالر ہیں ۔ان کے نظریات کا علمی حلقوں میں ایک خاص مقام ہے اور ان کے طریقہ استدلال کو صاحبانِ علم کے ہاں مقبولیت حاصل ہے۔ 

ضرورت اس امر کی ہے کہ اسلامی معاشرے میں علمی نقد اور نظریاتی مکالمے کو بھی فروغ دیا جائے۔ چنانچہ جامعۃ الرضا کے شعبہ تحقیق نے جاوید احمد غامدی صاحب کے نظریہ مہدویت کا تجزیہ کرنے کیلئے  مولانا  ڈاکٹر غلام عباس صاحب  فاضلِ قم کو دعوت دی ہے۔ یاد رہے کہ  ڈاکٹر غلام عباس صاحب درسِ خارج اور پی ایچ ڈی کیلئے  جامعۃ المصطفی قم المقدس ﴿ایران﴾ تشریف لے گئے تھے ، اعلی دینی تعلیم انہوں نے وہیں حاصل کی ہے ۔ یہ آنلائن سیشن۹ فروری ۲۰۲۵ کو گوگل میٹ پر ہوگا اور اس کی میزبانی کے فرائض  جامعۃ الرضا  کے سینئر طالب علم اورشعبہ ابلاغِ عامہ کے مسئول سید حسن رضا کاظمی انجام دیں گے۔  

To join the meeting on Google Meet, click this link: ----------

Categories: جامعۃ الرضا اسلام آباد