قائداعظم محمد علی جناحؒ نے صادقینؑ کی تعلیمات کو عملی کیا۔ جامعۃ الرضا اسٹوڈنٹس سوسائٹی

قائد اعظم محمد علی جناحؒ نے صادقینؑ کی تعلیمات کے مطابق ساری امت کو ایک پرچم تلے جمع کیا۔ جامعۃ الرضا اسٹوڈنٹس سوسائٹی 

رپورٹ  سید قاسم  علی : 

جشن صادقین ﷺ کی مناسبت سے سترہ ربیع الاوّل کو  منعقد ہونے والے جشن میں مقررین نے کہا کہ قائداعظم محمد علی جناحؒ نے صادقینؑ کی تعلیمات کے مطابق ساری امت کو ایک پرچم تلے جمع کیا۔ تفصیلات کے مطابق جامعۃ الرضا اسلام آباد کے طلبا پر مشتمل جامعۃ الرضا  اسٹوڈنٹس سوسائٹی  نے سترہ ربیع الاوّل کی مناسبت سے ایک فکر انگیز نشست کا اہتمام کیا۔

نشست سے طلبا اور اساتذہ نے خطاب کرتے ہوئے کہا کہ تعلیمات صادقینﷺ پر عمل کرکے اُمّت کے مستقبل کو سنوارا جا سکتا ہے۔ اس موقع پر انہوں نے قائداعظم محمد علی جناح ؒ کی شخصیّت کو بطورِ مثال پیش کیا۔ 

یاد رہے کہ جامعۃ الرضا اسٹوڈنٹس سوسائٹی کے زیرِ اہتمام سال بھر طلبا کی فکری و معنوی تربیت کیلئے  ایسی نشستیں منعقد ہوتی رہتی ہیں۔

جامعۃ الرضا اسٹوڈنٹس سوسائٹی کی ایک اہم ذمہ داری طلبا کی مخفی صلاحیتوں کو اجاگر کرنے اور ان میں مدیریّت و منصوبہ بندی کی روح پھونکنا  نیز  سوسائٹی کا مقصد  طلبا میں ٹیم ورک اور قائدانہ صلاحیتوں کے نکھار کیلئے ان میں  اجتماعی اور تنظیمی شعور کو فروغ دینا ہے۔

اس پُرمسرّت موقع پر اساتذہ کی طرف سے بعض طلبا کو انعامات بھی دئیے گئے۔ 

کونسی تعلیم سے دور رہیں؟

Categories: جامعۃ الرضا اسلام آباد, جامعۃ الرضا اگست ۲۵/۲۶