نورالھدی ٹرسٹ کے ملازمین کیلئے درسِ اخلاق کا آغاز
اسلام آباد﴿پ ر﴾دینی ادارے معاشرے کی روحانی اور اخلاقی بنیادوں کو مضبوط بنانے میں اہم کردار ادا کرتے ہیں۔ ان اداروں کے ملازمین اس مقدس مشن میں حصہ دار ہوتے ہیں۔ ایک دینی ملازم کے لیے اخلاقی تربیت ناگزیر ہے کیونکہ وہ خود ایک نمونہ بن کر دوسروں کو اچھائی کی دعوت دیتا ہے۔ اس کی زبان، کردار، معاملات اور اندازِ گفتگو سب کچھ اس کے اخلاق کا مظہر ہونا چاہیے۔ اسے سچائی، دیانت داری، خلوص، صبر، برداشت اور انکساری جیسے اوصاف سے آراستہ ہونا چاہیے۔ 
ہر عمل خالصتاً اللہ کی رضا کے لیے ہونا چاہیے، نہ کہ دنیاوی فائدے کے لیے۔ اسے اپنے ساتھی ملازمین، طلبا اور ادارے کی مدیریت کے ساتھ ادب و احترام کا رویہ رکھنا چاہیے۔ وقت کی پابندی، اپنی ذمہ داریوں کو دیانت داری سے ادا کرنا، ادارے کے معاملات میں امانت داری برتنا اور مثالی کردار کا مظاہرہ کرنا اس کی بنیادی اخلاقی ذمہ داریاں ہیں۔
نورالھدی ٹرسٹ نے اپنے ذیلی اداروں کے ملازمین کی اخلاقی تربیت کیلئے پندرہ روزہ درس اخلاق کا آغاز کیا ہے۔ اس سلسلے کا پہلا درسِ اخلاق 3/10/25 کو حجۃ الاسلام مولانا ثمر نقوی صاحب نے علی مسجد بارہ کہو میں دیا۔ نورالھدی ٹرسٹ کے ملازمین نے اس امر پر خوشی کا اظہار کیا کہ ادارے نے ان کی اہمیت کو محسوس کرتے ہوئے ایک اچھا تربیتی سلسلہ شروع کیا ہے۔
.jpg)
0 comments:
ایک تبصرہ شائع کریں
اپنا پیغام لکھیں