جامعۃالرّضا اسلام آباد میں جشن ولادت امام رضاؑ کے دو مراحل

جامعۃالرّضا اسلام آباد میں دو مرحلوں میں جشن ولادت امام رضاؑ کا انعقاد  REPORT: مزمل حسین 

اسلام آباد: جامعۃالرضا اسلام آباد میں گیارہ ذیقعدہ بمطابق 29 اپریل بروز بدھ بعد از نماز ظہرین حضرت امام علی رضا علیہ السلام کا جشن ولادت نہایت عقیدت و احترام سے منایا گیا۔ تقریب میں طلبا، اساتذہ، علمائے کرام اور معزز شخصیات نے شرکت کی۔تقریب کے پہلے مرحلے میں جامعۃالرضا کے طلبا نے سیرت و شخصیت امام رضا علیہ السلام پر تقاریر پیش کیں جبکہ نعت و منقبت خوانی بھی کی گئی۔ پہلے سیشن کی نظامت متعلم ابوذر عباس غفاری نے کی۔ اس موقع پر قاصد عباس عرفانی، حسن رضا کاظمی اور نقی حسین جعفری نے مختصر خطابات کیے، جبکہ عارف حسین نے نعت اور مدثر حسن نے منقبت پیش کی۔تقریب کے دوسرے مرحلے میں علمی سیمینار منعقد ہوا، جس میں محققین اور اہل علم حضرات نے امام علی رضا علیہ السلام کی سیرت، علمی مقام اور فکری خدمات پر روشنی ڈالی۔

سیمینار کا آغاز حجۃالاسلام ڈاکٹر فرقان گوہر صاحب  کے تحقیقی مقالے سے ہوا، بعد ازاں حجۃ الاسلام ڈاکٹر جاوید حسین شیرازی صاحب نے اپنا مقالہ پیش کیا، ان کے بعد حجۃ الاسلام ڈاکٹر شیخ حسنین نادر صاحب نے بھی اپنے علمی خیالات سے حاضرین کو مستفید کیا۔اس موقع پر حجۃالاسلام مولانا سلمان جوادی صاحب نے پُرجوش خطاب کرتے ہوئے امام رضا علیہ السلام کی تعلیمات اور القابات پر روشنی ڈالی۔تقریب کے اختتام پر نمایاں کارکردگی دکھانے والے طلبا میں انعامات تقسیم کیے گئے، جبکہ جامعۃالرضا کے پرنسپل حجۃالاسلام مولانا حسنین عباس گردیزی صاحب نے اختتامی کلمات ادا کیے اور دعائے امام زمانہ علیہ السلام کے ساتھ پروگرام اختتام پذیر ہوا۔یاد رہے کہ تقریب کے مہمان خصوصی حجۃالاسلام علامہ افتخار حسین نقوی صاحب تھے۔

Categories: جامعۃ الرضا اسلام آباد, جامعۃ الرضا اگست ۲۵/۲۶, خبر